Makanan Tradisi Bengkulu

Sapa yang ngaku anak Bengkulu tapi nido perna mengaso makan kuih tat, Ucong2 dengan bebutok (orang Bengkulu Indonesia manggil o "lemah") belum buliah ngaku anak Bengkulu lagi.  Kuih tat ni mimang kuih oghang kito sejak biliakni lagi mbak perangguan oghang dulu. Kuih ni kalu ngikut tradisi o di bakar nguno api di bawah dengan dipucuak. Agak manis dikit la kuih ni tapi mimang tahan lamo. Kalu muat o rayo puaso, rayo aji pun masiah eluak lagi dimakan. Zaman aku keciak2 dulu inti kuih tat ni nior dicampur gulo abang tapi kini aku inak i macam2 inti la dibuat oghang. Kalu nak nginak kuiat tat ini ruman oooo

  
Ucong2 ni dibuat jak pulut yang digendam semalamam. Ude tu dicampur dengan pisang yang dilinyek dengan gula campur nior paghut. Sudo tu dibungkus dengan daun pisang (layur kudai beh...kalu nido luak mano nak mungkus oo). Sudo tu dikukus dalam 1 jam lebiah sampai pulut tu masak. Kalu nak nginak upo ucong2 yang ku masak ni na...

Bebutok pulo dibuat ngunokan ikan yang dibiarkan busuak daging o sehari duo, sudo tu digaul dengan rempah2 (macam2 la termasuk yang nido buliah tinggal nior gendang, kerisek la kicek oghang sini). Sudo tu dibungkus dalam daun keladi, dikukus sampai masak. Aso o memang sedap la, tapi kalu pertamo kalu nyubo kicek mbak kicek ughang tu "required taste". Tapi kalu aku mimang galak nian la makan bebutok tu. Walau pun aku nido beghapo nian makan ikan dghat, tapi kalu bebutok mimang licin pinggan...